حراء اصبعو جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. اكله لذيذه كتير وشاميه وبتنعمل بجمعات النساء وقت بيكون في جمعه نساء بيكون في حراء اصبعو وتبوله واحلى شي اللمه الحلوه

• 0.5 كيلو عدس بني
• 0.5 باكيت تمر هندي
• حزمه كزبره
• 7 سنون توم
• 4 بصلات كبار
• خبز شامي للقلي
• للعجينه
• 3 كاسات طحين
• ملح
• مي لحتى تلم معك العجينه
• رشه سكر
• 0.5 كاسه زيت زيتون
• زيت نباتي لقلي البصل والخبز
• رمان

• 1   مننقع التمر هندي بمي ومنعصرو
• 2   منحضر العجينه ومنرقها بسماكه رقيقه ومنقطعها شرايط طويله وكل شريطه منقطعها مربع صغير ومنرش طحين ونحنا عم نرق العجين منشان مايلزق ببعضو ونحنا عم نقطع منرش طحين منشان تضل كل قطعه لحالها منكون سالقين العدس
• 3   بس يستوي العدس بنزل عليه عصير التمر هندي ملعقه كبيره ملح وبزبط الحمض والملح لازم يكون ظاهر
• 4   بسقط قطع العجين فوق العدس وبحرك كل فتره
• 5   بهي الاثناء بفرم البصل جوانح وبقليه بزيت غزير حتى يشقر برفعو بقلي الخبز وبرفعو
• 6   منفرم الكزبره منغسلها منيح وبهرس التوم مع الكزبره
• 7   بمقلايه بقلي بصله ناعمه بنص كاسه زيت زيتون بس تشقر شوي وبصبها على العدس والعجين يلي عم يغلو وبحرك بضيف شويه من خليط الكزبره والتوم المدقوق فوق العدس وبحركن منيح لازم يكون قوامها متوسط يعني مو سميكه اذا غب العجين المي ضيفي مي ورجعي عدلي الملح والحمض اما حطي حمض الليمون او عصير ليمون
• 8   بس يستوي العجين بسكب الحراء اصبعو بجاط وبزينو بلبصل والخبز االمقلي الكزبره والتوم وحبات الرمان وبلعافيه
• 9   طبعا والمقبلات قدامها فجل وبصل اخضر ونعنع